علامہ سید شاہ تراب الحق قادری



شجرہ طریقت   (38)

1962ء میں بذریعۂ خط اور 1968ء میں بریلی شریف جاکرمفتیِ اعظم ہند حضرت علامہ مولانا مفتی محمد مصطفیٰ رضا خاں علیہ الرحمۃ کے دستِ حق پرست پر سلسلۂ عالیہ قادریہ میں بیعت کا شرف حاصل کیا۔

شجرہ نسب   (4)

سلسلۂ نسب اس طرح ہے: حضرت سیّدشاہ تراب الحق قادری بن حضرت سیّد شاہ حسین قادری بن سیّد شاہ محی الدین قادری بن سیّد شاہ عبداللہ قادری بن سیّد شاہ میراں  قادری اور والدۂ ماجد کی طرف سے آٓپ کا سلسلۂ نسب فضیلت جنگ، بانیِ جامعہ نظامیہ حیدرآباددکن،شیخ الاسلام حضرت امام انواراللہ فاروقی رحمۃ اللہ تعالٰی علیہ کے واسطے سے امیرالمؤمنین حضرت فاروقِ اعظم رضی اللہ تعالٰی  عنہ سے جا کرملتاہے۔(رحمۃ اللہ علیہم اجمعین)

اساتذہٗ کرام   (4)

ابتدائی تعلیم مدرسۂ تحتانیہ دودھ بولی بیرون دروازہ نزد جامعہ نظامیہ حیدرآباد دکن ہندوستان سے حاصل کی۔ پاکستان تشریف آوری کے بعد پی آئی بی کالونی کراچی میں  فیضِ عام ہائی اسکول میں تعلیم حاصل کی۔ اس کے بعد اپنے رشتے کے خالو اور سسر  پیر ِطریقت رہبرِ شریعت حضرت علامہ قاری محمد مصلح الدین صدّیقی علیہ الرحمۃ سے گھر پر کتابیں پڑھیں اور پھر دارالعلوم امجدیہ کراچی میں داخلہ لیا؛  لیکن زیادہ تر اَسباق شیخِِ طریقت حضرت علامہ مولانا قاری محمد مصلح الدین صدّیقی رضوی علیہ الرحمۃ سے پڑھے۔ سندِ حدیث صدر الشریعہ بدرالطریقہ حضرت علامہ مولانا مفتی محمد امجد علی اعظمی علیہ الرحمۃ کے صاحبزادے حضرت علامہ مولانا عبدالمصطفیٰ الازہری علیہ الرحمۃ، جو اُس وقت دارالعلوم امجدیہ کراچی کے شیخ الحدیث تھے،سےحاصل کی، جب کہ اعزازی سند وقارِ ملّت، سرمایۂ اہلِ سنّت حضرت علامہ مولانا مفتی محمد وقار الدین قادری رضوی علیہ الرحمۃ (مفتیِ اعظم پاکستان)سے حاصل کی۔

خلافت و اجازت   (5)

حضرت مفتیِ اعظم ہند، حضرت قاری محمد مصلح الدین صدّیقی ،حضرت شیخ فضل الرحمٰن مدنی(علیھم الرحمۃ) نے اجازت وخلافت سے نوازا۔

اولادِ امجاد   (2)

آپ کا نکاح 1966ء میں پیرِ طریقت، ولیِ نعمت حضرت علامہ قاری محمد مصلح الدین صدّیقی علیہ الرحمۃ کی دخترِ نیک اختر سے ہوا، جس سے اﷲ تعالیٰ نے تین فرزند سیّد شاہ سراج الحق، سیّد شاہ عبدالحق اور سیّد شاہ فرید الحق اور چھ بیٹیاں عطا ہوئیں جن میں سے ایک کا تین سال کی عمر میں ہی وصال ہوگیا۔ باقی الحمد للہ بقیدِ حیات ہیں۔ شہزادیوں میں سے آپ کی چھوٹی لختِ جگر عفت فاطمہ بھی عالمہ ہیں۔

خلفاء کرام   (41)

حضرت علامہ سید شاہ تراب الحق قادری علیہ الرحمہ نے وصال سے کچھ عرصہ قبل جن حضرات کو اجازت و خلافت سے نوازا تھا، ان کے اسمائے گرامی مندرجہ ذیل ہیں۔

تجویزوآراء