مژدہ باواے عاشقانِ خد و خال حورعین

مژدہ باواے عاشقانِ خد و خال حورعین
طالبان جنتِ حسن وجمال حور عین۔

سید کونین پر پہنچا کرو اکثر درود۔
ہے اگر منظور جنت میں وصال حورعین

کیا فضیلت ہے درود پاک کی صل علیٰ
حق تعالی ہم کو بخشے گاجمال حورعین

جلوہ انگشت سے عالم کو دیوانہ کریں
جب ذا ناز و ادائے غنچہ لال حورعین

خامہ شوریدی سرکب تک لکھی جاوین گا تو
وصف خالِ حورعین و وصف و خال حورعین

وصف اس کا کیجئے جس کے سبب صاصل ہوا
یہ جمال حورعین ویہ کمال حورعین

حب ذا نام خدا صل علی ٰ صل علی
روئے پاک مصطفی رشک جمال حورعین

آفتاب حسن محبوب خدا کے سامنے
ایک ذرہ ہے یہ سب حسن و جمال حورعین

عکس نور مصطفائی سے ہوا آراستہ
باغ رضوان قصر جنت خدو خال حورعین

جس کسی کو ہو زیارت صاحب لولاک کی
وہ نہ لاویں گا کبھی کاؔفی خیال حورعین
…………………………………(دیوانِ کاؔفی)


متعلقہ

تجویزوآراء