زکوٰۃ کے اموال  

کتنی اور کون سی چیزوں پر زکوۃ فرض ہے؟

کتنی اورکونسی اشیاءپرزکوۃ فرض ہے؟ الجواب بعون الملك الوهاب صرف تین چیزوں پرزکوۃ فرض ہے۔ (1):ساڑھے سات تولے سونا (87.48 گرام)،ساڑھے باون تولے چاندی(612.36 گرام)۔(2): سونایاچاندی کی مذکورہ مقدار کے برابر مال تجارت۔(3): چرائی کے وہ جانور جو سال یا  سال  کا اکثر حصہ باہر سے چرتے ہوں۔ جب زکوۃکی تمام شرائط ان تینوں میں پائی جائیں تو زکٰوۃ فرض ہے۔ حوالہ: بہار شریعت، جلد1، حصہ5، صفحہ882، مکتبہ المدینہ کراچی۔...

مال کے ہر جز پر سال کا گزرنا شرط ہے؟

آپ یہ بتائیں کہ میرےپاس تقریباً  1،50،000 کا مال موجود ہے اور اس  میں کمی پیشی ہوتی رہتی ہے تو  تمام مال پریعنی ہرایک روپیہ پرزکوۃکیلئے سال کرگزرنا شرط ہے؟ الجواب بعون الملك الوهاب سال کی ابتداء اور اختتام پر  مال نصاب کی مقدار کو پہنچتا ہے تو اس پر زکوٰۃ فرض ہے۔ سال کے درمیان میں مال اگر نصاب سے کم ہوگیا یا  اس میں اضافہ ہوتا رہا تو یہ کمی اور زیادتی وجوب زکوۃ کو روکنے والی نہیں ہے۔ علامہ ابن عابدین شامی علیہ الرحمہ فرما...

گھر خریدنے کیلئے جمع شدہ رقم پر زکوۃ کا حکم؟

کیا فرماتے ہیں مفتیانِ کرام اس رقم کے بارے میں جو ہم دونوں(میاں،بیوی)نے گھر بنوانے کے جمع کر رکھی ۔اور وہ 30,000پونڈ ہیں۔اس پر کتنی زکوٰۃ ہوگی ۔ الجواب بعون الملك الوهاب مکان کے لئے جمع شدہ  رقم حاجتِ اصلیہ میں شمار نہیں ہو گی۔لہذا اگر اس رقم پر سال بھی گذر چکا ہے تو وہ رقم جس کی ملکیت ہے اس کو اپنی رقم کا  ڈھائی فیصدزکوٰۃ ادا کرنا ضروری ہے ۔...

گھر خریدا نیت یہ کی کہ نفع ملا تو بیچ دے گا تو زکوۃ واجب ہے؟

ایک شخص نے اپنی رہائش کے علاوہ ایک اور  گھر اس لئے خریدا کہ اگر اس کو نفع ملے گا تو وہ اس کو بیچ دے گا تو کیا یہ مال تجارت میں شمار ہوگا اور کیا اس پر زکوۃ ہوگی؟ الجواب بعون الملك الوهاب ایسے شخص پر زکوۃ واجب نہیں ہے کیونکہ یہ گھر مالِ تجارت میں شمار نہیں ہوگا۔ درمختار میں ہے: "ولو نوی التجارۃ بعد العقد او اشتریٰ شیئا للقنیۃ ناویاً انہ ان وجد ربحا باعہ لا زکاۃ علیہ" یعنی اگر وہ عقد کے بعد نیت تجارت کرے یا کوئی چیز رکھنے کے لئے خریدے اس نیت...

سونے اور چاندی کا نصاب وزن سے دیکھا جائے گا

کیا فرماتے ہیں مفتیانِ کرام کہ میرے پاس  ایک سونے کی چین اور لاکٹ ہے جس کی قیمت گیارہ ہزار روپے ہے۔کیا مجھ پر زکوٰۃواجب ہے؟اگر ہے تو کتنی زکوٰہ ہے؟ الجواب بعون الملك الوهاب سونے اور چاندی کی زکوۃ میں وزن کا اعتبار ہوگا۔ یعنی سونا ساڑھے سات تولے(87.48 گرام)۔ اور چاندی ساڑھے باون تولے (612.36 گرام)۔  اگر کسی  کے پاس  اتنے وزن کا سونا یا  چاندی ہے تو اس پر زکوۃ ہے۔ لہذا اگر آپ کے سونے کی چین اور لاکٹ  کا وزن ساڑھے سات ت...

جہیز کی خاطر بنائے گئے سامان پر زکوٰۃ؟

کیا فرماتے ہیں مفتیانِ کرام اس سامان کے بارے میں کہ جو جہیز کے لئے جمع کیا گیا  نہ کہ سونا، چاندی اور وہ  سامان چاندی کے نصاب کو پہنچ گیا ہو  اور پورا سال بھر استعمال بھی نہیں ہوا ۔ تو کیا اس پر زکوٰۃ ہو گی یا نہیں؟ الجواب بعون الملك الوهاب سامان  اگرچہ بقدرِ نصاب ہو، اگرچہ اس پر سال گزر جائے  زکوۃ اس  پر واجب نہیں ہے۔ چنانچہ صدر الشریعہ فرماتے ہیں:"سونے چاندی میں مطلقاً زکوٰۃ واجب ہےجب کہ بقدرِنصاب ہوں اگرچہ دفن کر ...

گِروی رکھی چیز زکوٰۃ نہیں

السلام علیکم  مفتی صاحب! میں نے تقریباً 11 تولے سونا گروی رکھا ہے تو کیا اس پر زکوۃ واجب ہے؟ الجواب بعون الملك الوهاب جو مال گروی(رہن) رکھا گیا ہو اس پر زکوۃ واجب نہیں ہے۔ چنانچہ صدرا لشریعہ بد رالطریقہ حضرت علامہ مولانا مفتی امجد علی اعظمی علیہ الرحمہ فرماتے ہیں:"شے مرہون(یعنی گروی)کی زکوٰۃ نہ مرتہن (گروی رکھنے والا)پر ہے نہ راہن(گروی رکھوانے والا)پر ،مرتہن تو مالک ہی نہیں اور راہن کی ملک تام نہیں کہ اس کے قبضے میں نہیں اور بعد رہن کے چھران...

پرائز بانڈز کی زکوٰۃ؟

السلام علیکم ورحمۃ اللہ مفتیان صاحبان! میرا سوال یہ ہے کہ پرائز بانڈز  کی زکوٰۃ کا کیا طریقہ کار ہے؟ الجواب بعون الملك الوهاب جس طرح روپوں کی زکوٰۃ ادا کی جاتی ہے اسی طرح پرائز بانڈز کی زکوٰۃ ادا کی جائےگی کہ اگر  پرائز بونڈ نصاب کی مقدار کو پہنچتے ہیں اور سال بھی گزر چکا ہےتو کل رقم کا اڑھائی فیصد زکوۃ  ہے۔...

کس پراپرٹی پر زکوٰۃ ہے اور کس پر نہیں؟

السلام علیکم ورحمۃ اللہ!میرا سوال یہ ہے کہ کونسی پراپرٹی پر زکوۃ ہے؟ الجواب بعون الملك الوهاب زکوٰۃ صرف تین طرح کی چیزوں پرہے:(۱)سونا،چاندی(۲)چرائی پر چھوٹے جانور(۳)تجارت کا مال۔ باقی کسی چیز پر نہیں۔ اعلیٰ حضرت امام اہلسنت امام احمد رضا خان علیہ الرحمہ ارشاد فرماتے ہیں:"زکوٰۃ صرف تین چیزوں پر ہے:سونا،چاندی،کیسے ہی ہوں پہننے کے ہوں یا برتنے کے یا رکھنے کے،سکہ ہو ورق،دوسرے چرائی پر چھوٹے جانور،تیسرے تجارت کا مال،باقی کسی چیز پر نہیں۔"[فتاوٰی رضویہ...

شئیرز پر زکوٰۃ کا حکم؟

السلام علیکم ورحمۃ اللہ مفتیان صاحبان! کیا فرماتے ہیں مفتیان کرام اس مسئلہ کے بارے میں میرےے پاسEngro Fertilizer Plantکے شئیرز ہیں جن کو میں نے بیچنے اور انویسٹ کی نیت سے خریدا تھا ان کی زکوٰۃ کس طرح ادا ہو گی؟ الجواب بعون الملك الوهاب کمپنی کے مال  میں جس قدر آپ کا حصہ ہے اس مال کی موجودہ قیمت پر زکوٰۃ لازم ہو گی۔ امام احمد رضا خان علیہ الرحمہ شئیرز کی زکوٰۃ کے متعلق فرماتے ہیں:"حصص کی قیمت شرعاً کوئی چیز نہیں بلکہ اصل کے روپے جتنے اس کے ک...