منقببتِ حضرت مولانا وصی احمد محدث سورتی

سنت کے حامی

سنو میں لکھتا ہوں اسمائے سامی
جو تشریف لاکر ہوئے دیں کے حامی

محدّث مفسّر فقیہوں میں نامی!
وصی احمد اُن کا ہے اسمِ گرامی

ہے تحدیث کی اُن پہ بے شک تمامی
شب و روز رہتے ہیں سنّت کے حامی

وہ تدریس میں فی زمانہ ہیں یکتا
وہ افتاء میں رکھتے نہیں مثل اپنا

ہے گرچہ کمال اُن کو ہر عمل و فن پر
مگر ہیں احادیث پر جان سے شیدا

شب و روز کرتے ہیں دیں کی حمایت
مٹاتے ہیں دنیا سے شرک و ضلالت

فیوض اُن کے جاری رہیں تا قیامت
رہیں وہ زمانے میں باصد کرامت

بڑھے عمر اُن کی رہیں وہ سلامت
ملے حشر میں عزّ و قرب و ریاست

وسیلے سے تیرے نبیﷺ کے الٰہی!
دُعا ہوئے مقبول اس پرگنہ کی!

 

(محدث سورتی،انجمن ضیاء طیبہ)

 


متعلقہ

تجویزوآراء